ਬੰਬੀਹਾ ਗੈਂਗ ਦੇ ਮੈਂਬਰਾਂ ਤੇ ਪੁਲਿਸ ਦੀ ਕਾਰਵਾਈ, ਫਾਇਰਿੰਗ ਵਿੱਚ ਗੈਂਗਸਟਰ ਜ਼ਖ਼ਮੀ, ਹਥਿਆਰ ਬਰਾਮਦ

 ਚੰਡੀਗੜ੍ਹ 

ਫਰੀਦਕੋਟ ਜ਼ਿਲ੍ਹੇ ਵਿੱਚ ਰੰਗਦਾਰੀ ਅਤੇ ਫਾਇਰਿੰਗ ਦੇ ਮਾਮਲੇ ਵਿੱਚ ਬੰਬੀਹਾ ਗੈਂਗ ਨਾਲ ਜੁੜੇ ਬਦਮਾਸ਼ਾਂ ਦੀ ਪੁਲਿਸ ਨਾਲ ਮੁਠਭੇੜ ਹੋਈ। ਪੁਲਿਸ ਨੇ ਦੱਸਿਆ ਕਿ ਰਿਮਾਂਡ ਦੌਰਾਨ ਆਰੋਪੀ ਰਾਮਜੋਤ ਨੇ ਕਬੂਲਿਆ ਕਿ ਉਸਨੇ ਵਾਰਦਾਤ ਵਿੱਚ .32 ਬੋਰ ਦੀ ਪਿਸਤੌਲ ਵਰਤੀ ਸੀ ਅਤੇ ਉਸਨੂੰ ਢਿਲਵਾਂ-ਸਿਵਿਆਂ ਰੋਡ ਤੇ ਛੁਪਾ ਰੱਖਿਆ ਸੀ। ਜਦੋਂ ਪੁਲਿਸ ਉਸਦੀ ਬਰਾਮਦੀ ਲਈ ਗਈ ਤਾਂ ਉਸਨੇ ਅਚਾਨਕ ਭੱਜਣ ਦੀ ਕੋਸ਼ਿਸ਼ ਕੀਤੀ ਅਤੇ ਪੁਲਿਸ ਤੇ ਗੋਲੀ ਚਲਾਈ। ਪੁਲਿਸ ਦੀ ਜਵਾਬੀ ਕਾਰਵਾਈ ਵਿੱਚ ਉਹ ਜ਼ਖ਼ਮੀ ਹੋ ਗਿਆ ਅਤੇ ਗ੍ਰਿਫ਼ਤਾਰ ਕਰ ਲਿਆ ਗਿਆ।
ਮੌਕੇ ਤੋਂ ਪਿਸਤੌਲ ਅਤੇ ਜ਼ਿੰਦਾ ਕਾਰਤੂਸ ਵੀ ਬਰਾਮਦ ਕੀਤੇ ਗਏ। ਪੁਲਿਸ ਰਿਕਾਰਡ ਮੁਤਾਬਕ ਰਾਮਜੋਤ ਪਹਿਲਾਂ ਵੀ ਨਸ਼ਾ ਤਸਕਰੀ ਅਤੇ ਆਰਮਜ਼ ਐਕਟ ਸਮੇਤ ਗੰਭੀਰ ਮਾਮਲਿਆਂ ਵਿੱਚ ਨਾਮਜ਼ਦ ਰਹਿ ਚੁੱਕਾ ਹੈ।
ਐਸਐਸਪੀ ਡਾ. ਪ੍ਰਜਾ ਜੈਨ ਨੇ ਦੱਸਿਆ ਕਿ ਜੁਲਾਈ ਮਹੀਨੇ ਕੋਟਕਪੂਰਾ ਖੇਤਰ ਵਿੱਚ ਗੈਂਗ ਦੇ ਬਦਮਾਸ਼ਾਂ ਨੇ ਇੱਕ ਵਿਅਕਤੀ ਤੋਂ ਇੱਕ ਕਰੋੜ ਰੁਪਏ ਦੀ ਰੰਗਦਾਰੀ ਮੰਗੀ ਸੀ। ਰਕਮ ਨਾ ਮਿਲਣ ‘ਤੇ 1 ਸਤੰਬਰ ਦੀ ਰਾਤ ਉਸਦੇ ਘਰ ਦੇ ਬਾਹਰ ਫਾਇਰਿੰਗ ਕੀਤੀ ਗਈ। ਇਸ ਸੰਬੰਧੀ ਥਾਣਾ ਸਿਟੀ ਕੋਟਕਪੂਰਾ ਵਿੱਚ ਮਾਮਲਾ ਦਰਜ ਕਰ ਲਿਆ ਗਿਆ ਸੀ।
7 ਸਤੰਬਰ ਨੂੰ ਮੋਗਾ ਨਿਵਾਸੀ ਦੋ ਆਰੋਪੀਆਂ ਸੰਦੀਪ ਸਿੰਘ ਉਰਫ਼ ਲਵਲੀ ਅਤੇ ਰਾਮਜੋਤ ਸਿੰਘ ਉਰਫ਼ ਜੋਤ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ। ਪੁੱਛਗਿੱਛ ਦੌਰਾਨ ਖੁਲਾਸਾ ਹੋਇਆ ਕਿ ਇਹ ਕਾਰਵਾਈ ਗੈਂਗਸਟਰ ਸਿਮਾ ਬਹਿਬਲ ਅਤੇ ਜੱਸ ਬਹਿਬਲ ਦੇ ਇਸ਼ਾਰੇ ‘ਤੇ ਕੀਤੀ ਗਈ ਸੀ। ਇਸ ਘਟਨਾ ਵਿੱਚ ਵਰਤੇ ਗਏ ਹਥਿਆਰ ਮਲਕੀਤ ਸਿੰਘ ਨੇ ਉਪਲਬਧ ਕਰਵਾਏ ਸਨ। ਮਲਕੀਤ ਨੂੰ ਫਰੀਦਕੋਟ ਜੇਲ੍ਹ ਤੋਂ ਪ੍ਰੋਡਕਸ਼ਨ ਵਾਰੰਟ ‘ਤੇ ਲਿਆਂਦਾ ਗਿਆ।

---

Faridkot crime news, Bambiha gang, Punjab police encounter, extortion case Punjab, Ramjot arrest, Sandeep Singh Lovely, arms recovery, Simma Bahibal, Jass Bahibal, Punjab firing case

---

Punjab police arrested members of the Bambiha gang involved in an extortion and firing case in Faridkot. During recovery, accused Ramjot fired at police but was injured in retaliation. Weapons were seized, and the investigation revealed links to gangsters Simma Bahibal and Jass Bahibal.

---
#FaridkotNews #PunjabPolice #BambihaGang #CrimeNews #Gangster #BreakingNews
#फरीदकोटन्यूज #पंजाबपुलिस #बंबीहागैंग #अपराधसमाचार #गैंगस्टर #ब्रेकिंगन्यूज
#ਫਰੀਦਕੋਟਖ਼ਬਰਾਂ #ਪੰਜਾਬਪੁਲਿਸ #ਬੰਬੀਹਾਗੈਂਗ #ਅਪਰਾਧਖ਼ਬਰਾਂ #ਗੈਂਗਸਟਰ #ਤਾਜ਼ਾਖ਼ਬਰ