ਬਿਹਾਰ ਚੋਣ 'ਚ ਪੰਜਾਬ ਦੇ ਮੁੱਦੇ ਗਰਮੇ — ਪਰਵਾਸੀ ਮਜ਼ਦੂਰਾਂ 'ਤੇ ਰਾਜਨੀਤਿਕ ਤੀਰਬਾਜ਼ੀ ਤੇ ਨੇਤਾਵਾਂ ਵਿੱਚ ਤਕਰਾਰ

ਬਿਹਾਰ

ਬਿਹਾਰ ਵਿਧਾਨ ਸਭਾ ਚੋਣਾਂ ਦਾ ਮਾਹੌਲ ਚਰਮ 'ਤੇ ਹੈ। 6 ਨਵੰਬਰ ਨੂੰ ਪਹਿਲੇ ਚਰਨ ਦਾ ਮਤਦਾਨ ਹੋਣਾ ਹੈ, ਜਿੱਥੇ 121 ਸੀਟਾਂ 'ਤੇ ਕਿਸਮਤ ਦਾ ਫੈਸਲਾ ਹੋਵੇਗਾ। ਇਸ ਵਾਰ ਚੋਣਾਂ ਵਿੱਚ ਬਿਹਾਰ ਦੇ ਉਹ 25 ਤੋਂ 30 ਲੱਖ ਪਰਵਾਸੀ ਮਜ਼ਦੂਰ ਵੱਡਾ ਮੁੱਦਾ ਬਣ ਗਏ ਹਨ ਜੋ ਪੰਜਾਬ ਦੇ ਖੇਤਾਂ, ਕਾਰਖਾਨਿਆਂ ਅਤੇ ਸ਼ਹਿਰਾਂ ਵਿੱਚ ਕੰਮ ਕਰਦੇ ਹਨ। ਇਹ ਮਜ਼ਦੂਰ ਪੰਜਾਬ ਦੀ ਅਰਥਵਿਵਸਥਾ ਦੀ ਰੀੜ੍ਹ ਹਨ — ਪਰ ਰਾਜਨੀਤਿਕ ਬਿਆਨਬਾਜ਼ੀ ਵਿੱਚ ਅਕਸਰ ਨਿਸ਼ਾਨੇ 'ਤੇ ਰਹਿੰਦੇ ਹਨ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਹਾਲ ਹੀ 'ਚ ਛਪਰਾ ਰੈਲੀ ਵਿੱਚ ਕਾਂਗਰਸ 'ਤੇ ਤਿੱਖਾ ਹਮਲਾ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ "ਕਾਂਗਰਸ ਦੇ ਇੱਕ ਪੂਰਵ ਮੁੱਖ ਮੰਤਰੀ ਚਰਣਜੀਤ ਸਿੰਘ ਚੰਨੀ ਨੇ ਖੁੱਲ੍ਹੇਆਮ ਕਿਹਾ ਸੀ ਕਿ ਬਿਹਾਰ ਦੇ ਲੋਕਾਂ ਨੂੰ ਪੰਜਾਬ ਵਿੱਚ ਨਹੀਂ ਆਉਣ ਦਿੱਤਾ ਜਾਵੇਗਾ।" ਮੋਦੀ ਨੇ ਇਸ ਬਿਆਨ ਨੂੰ “ਇੰਡੀਆ ਗਠਬੰਧਨ ਵੱਲੋਂ ਬਿਹਾਰੀਆਂ ਦਾ ਅਪਮਾਨ” ਦੱਸਿਆ।
ਚੰਨੀ ਨੇ ਇਸ 'ਤੇ ਸੋਸ਼ਲ ਮੀਡੀਆ 'ਤੇ ਸਪਸ਼ਟੀਕਰਨ ਦਿੱਤਾ ਕਿ ਉਨ੍ਹਾਂ ਦੇ ਬਿਆਨ ਨੂੰ ਗਲਤ ਤਰੀਕੇ ਨਾਲ ਪੇਸ਼ ਕੀਤਾ ਗਿਆ। ਇਸ ਮਾਮਲੇ ਤੋਂ ਬਾਅਦ ਚੰਨੀ ਦਾ ਨਾਮ ਕਾਂਗਰਸ ਦੀ ਸਟਾਰ ਪ੍ਰਚਾਰਕਾਂ ਦੀ ਸੂਚੀ 'ਚੋਂ ਹਟਾ ਦਿੱਤਾ ਗਿਆ।
ਦੂਜੇ ਪਾਸੇ, ਪੰਜਾਬ ਦੇ ਸੀਐਮ ਭਗਵੰਤ ਮਾਨ ਨੇ ਮੋਦੀ ਦੇ ਦੌਰੇ 'ਤੇ ਤੰਜ ਕੱਸਦਿਆਂ ਕਿਹਾ ਕਿ “ਜੇ ਪੀਐਮ ਸਾਨੂੰ ਟਾਈਮ ਦੇਣ ਤਾਂ ਅਸੀਂ ਬਿਹਾਰ ਚਲੇ ਜਾਵਾਂਗੇ।” ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਹਰ ਚੋਣੀ ਰਾਜ ਵਿੱਚ ਜਾ ਕੇ ਬੈਠ ਜਾਂਦੇ ਹਨ।
ਸਟਾਰ ਪ੍ਰਚਾਰਕਾਂ ਦੀ ਸੂਚੀ ਵਿੱਚ ਹੁਣ ਆਮ ਆਦਮੀ ਪਾਰਟੀ ਵੱਲੋਂ ਭਗਵੰਤ ਮਾਨ, ਅਮਨ ਅਰੋੜਾ, ਮਨੀਸ਼ ਸਿਸੋਦੀਆ ਅਤੇ ਸੰਦੀਪ ਪਾਠਕ ਦੇ ਨਾਮ ਸ਼ਾਮਲ ਹਨ।

---

 Bihar Election 2025, Punjab Issues, Migrant Workers, PM Modi Speech, Charanjit Singh Channi, Bhagwant Mann, Congress, BJP, AAP Campaign